| الاسم بالكامل | أحمد محمد السيد السيد |
| المحافظة | الجيزة |
| السن | من 18 الى 30 عام |
| النوع | ذكر |
| المهنة | مهندس |
| نوع الانتهاك | الإختفاء القسري |
| تاريخ الانتهاك | 03/04/2018 |
| مكان الانتهاك | من الكافتريا |
| رقم القضيه | 03/04/2018 |
ابني/أحمد محمد السيد السيد "26 سنه" مهندس خريج جامعة القاهرة ..... مختفي قسرياً من يوم التلات 3 ابريل 2018 احمد نزل يوم التلات الساعه 1 الضهر يقابل المهندس "احمد عبد الرحمن عبد السميع محمد " و لما اتأخر اتصلنا بيه وكان صوته متوتر ويقلق من كتر التعب و الاعياء الشديد وهو مُصمم يطمننا ويقول انه في شغل قدامة يوم او يومين و تليفونه اتقفل بعد يومين من اختفائه دورنا عليه في كل حته لحد ما عرفنا من قهوة الشرقاوي بجوار نقطة ارض اللواء اللي بيقعدوا عليها ان يوم التلات الساعه 1.30 ظهرا جت قوة من امن الدولة وقبضت عليهم بطريقة غير ادميه وغموا عنيهم ورموهم في عربيه ملاكي ومنعرفش خدوهم فين !! أحمد و أحمد عملوا ايه؟ أحمد و احمد اتنين ف بدايه حياتهم بدأوا مشروع من 3 سنين توريد لمقاولات البناء بعد التخرج مباشره و كان مشروعهم من فتره قريبه بدأ يقف على رجله, و احمد عبد الرحمن عريس متزوج حديثا و مريض بنشاط روماتيزمي مزمن بيهدد قلبه ف اي لحظه. روحنا قسم العجوزه عملنا محضرين اختفاء برقم 2853\2018 - 2856\2018 اداري العجوزه و بعتنا تليغرافات الي رئاسة الجمهورية, النائب العام , وزير العدل , وزير الداخلية , المحامي العام لنيابة شمال , رئيس نيابة العجوزه , حقوق الانسان بوزارة الداخلية و المجلس القومي لحقوق الانسان .. سلمنا عريضتين باليد لمكتب النائب العام برقم 4203\2018 , 4205\2018 كل طلبي الافراج عن ابني و صديقه والتحقيق في الواقعه حيث تم القاء القبض عليهم بطريقة مخالفة للقانون وتم اخفائهم لمدة 32 ومنعرفش هما فين عايشين ولا ماتوا من التعذيب .. ياريت تساعدونا بـ شير للبوست عشان يوصل للمسؤوليين في البلد !!
